قوباد تاڵەبانی جێگری سەرۆکی ئەنجومەنی وەزیرانی هەرێم رایگەیاند، گفتوگۆکانی هەرێم و بەغداد بەردەوامن و ئامانج ئەوەیە گرفتەکان لە رێگەی یاسا و دەستورەوە چارەسەر بکرێن.
ئەمڕۆ چوارشەممە قوباد تاڵەبانی جێگری سەرۆکی ئەنجومەنی وەزیران لەگەڵ ڤۆلکەر پێرسێس، سەرۆکی تیمی سەربەخۆی پێداچوونەوەی ستراتیژی بە ئەرکی نێردەی نەتەوە یەکگرتووەکان لە عێراق (یونامی) کۆبوویەوە و پێکەوە باسی دواپێشهات و گۆڕانکارییە سیاسییەکانی عێراق و هەرێمی کوردستانیان کرد.
هەر لە کۆبوونەوەکەدا تيشكيان خسته سه‌ر رۆڵی تيمى نه‌ته‌وه يه‌كگرتووه‌كان لە هەوڵەکانیان بۆ چارەسەرکردنی گرفتەکان، قوباد تاڵەبانی سوپاس و ستایشی رۆڵی گرنگ و دیاری ئەوانی کرد و لەوبارەیەوە ئاماژه‌ى به هه‌وڵ و كاره‌كانى يونامى كرد لە يارمه‌تيدانی لایەنە سیاسییە عێراقییەکان بۆ پاراستنی ئاسایش و سه‌قامگيرى و چارەسەر کردنی کێشەکان لەڕێی دیالۆگەوە.
هەر لە کۆبوونەوەکەدا ڤۆلکەر پێرسێس پلان و بەرنامەی يونامى بۆ داهاتوو خستەڕوو و ئاماژەی بەوەشدا کە ئامادەن بەردەوام بن لە هەماهەنگی لەگەڵ عێراقییەکان.
