بەڕێوەبەرایەتیی کەشناسیی هەرێم رایگەیاند، ئەمڕۆ لە هەندێک شوێن ئەگەری بارانبارین هەیە، لە سبەینێوە کەشوهەوا دەگۆڕێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ سێشەممە ئاسمان لەنێوان پەڵە هەور بۆ نیمچە هەور دەبێت لە هەندێک ناوچەی شاخاوی هەوری تەواو دەبێت لەگەڵ ئەگەری نمە باران و هەورە تریشقە لە ناوچەکانی ناوەڕاست و باشووری هەرێم لەکاتەکانی دواینیوەڕۆ.
ئاماژەی بەوەشکرد، سبەینێ چوارشەممە ئاسمان ساماڵ و پەڵە هەور دەبێت لە هەندێک ناوچە نیمچە هەور دەبێت، لەگەڵ ئەگەری بارینی نمە باران لەکاتی جیا لەهەندێک ناوچەکانی رۆژهەڵاتی هەرێم.
