وتەبێژی حكومەتی هەرێم ڕایدەگەیەنێت، كاری لە پێشینەی حكومەتی هەرێم دابینكردنی مووچەی فەرمانبەرانە و دەڵێت،”هێلكەبارانكردنەكە هێندەی یەك هەنگاوی مێروولە كاریگەریمان لەسەر دروستناكات”.
جوتیار عادل، وتەبێژی حكومەتی هەرێم لەكۆنگرەیەكی ڕۆژنامەوانییدا ئەمڕۆ هەینی لە شاری هەولێر ڕایگەیاند، كاری لە پێشینەی حكومەت دابەشكردنی مووچەی فەرمانبەرانە و سەرچاوەكانی كۆكردنەوەی داهات بۆ مووچە لە هەرێمی كوردستان دیارن و ئێستا گرفت لە كۆكردنەوەی داهاتەكاندا هەیە و هەوڵی چارەسەركردنی دەدرێت.
لە وەڵامی پرسێكی پەیامنێری تۆڕی میدیایی ئێستادا، سەبارەت بە هێلكەبارانكردنی مەسرور بارزانی، سەرۆكی حكومەتی هەرێم لە بەریتانیا لەلایەن ژمارەیەك لە كوردانی نیشتەجێی ئەو وڵاتەوە، جوتیار عادل وتی” هێلكەبارانكردنەكە هێندەی یەك هەنگاوی مێروولە كاریگەریمان لەسەر دروستناكات و لە سیاسەتی خۆمان بەردەوامدەبین”.
