بەڕێوەبەری گشتیی گومرگی هەرێم رایدەگەیەنێت، لە سەرەتای ئەم مانگەوە هاوردەكردنی ئۆتۆمبێلی مۆدیل 2021 راگیراوە و دەبێت ئۆتۆمبێلی مۆدیلەكانی 2022-2023 و 2024 هاوردەی هەرێمی كوردستان بكرێن.
ساماڵ عەبدولرەحمان بەڕێوەبەری گشتیی گومرگی هەرێم لە لێدوانێكدا بە تۆڕی میدیایی ئێستای راگەیاند، لە 1ی 11ی 2023ەوە هاوردەكردنی ئۆتۆمبێلی مۆدیل 2021 بۆ هەرێمی كوردستان راگیراوە و دەبێت ئۆتۆمبێلی مۆدیلەكانی 2022-2023 و 2024 هاوردەبكرێـن.
راشیگەیاند، هەموو ساڵێك دوو مانگێك دەرفەت دەدرێت بۆ هاوردەكردنی ئۆتۆمبێلی ئەو مۆدیلانە و لە سەرەتای ئەم مانگەوە هاوردەكردنی ئۆتۆمبێلی مۆدیل 2021 راگیراوە و ئەو ئۆتۆمبێلانەی ئەو مۆدیلەن و بەر لەو وادەیە هێنراونەتە خاكی هەرێمی كوردستان و لە كۆمپانیاكان ماونەتەوە تابلۆیان پێدەدرێت و هیچ گرفتێكیان نییە.
