وەزارەتی بازرگانی عێراق بڵاویکردەوە، پێشنیاریان کردووە چەند بەرهەمێکی خۆراکی بۆ بەشەخۆراکی مانگانە زیادبکرێت و چاوەڕوانی وەڵامی ئەنجومەنی وەزیرانن.
موسەننا جەبار، وتەبێژی وەزارەتی بازرگانی عێراق رایگەیاند، ئامادەکاری دەکەین لەگەڵ بریکارەکانی خۆراک بۆ دابەشکردنی سەبەتەی خۆراکی نۆیەمی ئەمساڵ لە کۆگاکاندا بڕی پێویستی ماددە خۆراکییەکان بۆ دابەشکردنی چوار سەبەتەی دیکەی خۆراک هەن.
ئاشکراشیکرد، پێشنیازمان بۆ ئەنجومەنی وەزیران کردووە پەنیر و ئاردی سفر و شیر بۆ بەشە خۆراک زیادبکرێن و لەئێستادا چاوەڕێی وەرگرتنی رەزامەندین.
