سەرۆکوەزیرانی عێراق سەردانەکەی بۆ تاران کۆتایی هات و گەڕایەوە بەغداد.
نووسینگەی ڕاگەیاندنی محەمەد شیاع سودانی، سەرۆکوەزیرانی عێراق لە بەیاننامەیەکدا بڵاویکردەوە، “سودانی دووەمین سەردانی فەڕمی خۆی بۆ کۆماری ئیسلامی ئێران کۆتایی پێهێناو و گەڕایەوە بەغدادی پایتەختی عێراق”.
سودانی سەرلەبەیانی ئەمڕۆ بە سەردانێکی فەڕمی گەیشتە تارانی پایتەختی ئێران و لەگەڵ ئیبراهیم ڕەئیسی سەرۆک کۆماری ئێران و عەلی خامنەیی ڕێبەری کۆماری ئیسلامی ئێران کۆبووەوە و تێیدا باسیان لە شەڕی بەردەوامی غەززە و ڕێگاکانی کۆتایی هێنان بەو شەڕە کرد.
