بەڕێوەبەری گەشتوگوزاری هەڵەبجە رایدەگەیەنێت، لە ماوەی سێ رۆژی فێستیڤاڵی هەنار و پاییزی هەڵەبجەدا 270 هەزار كەس سەردانی هەڵەبجەیان كردووە.
لە كۆنگرەیەكی رۆژنامەوانیدا لیژنەی سەرپەرشتیاری نۆیەمین فێستیڤاڵی هەنار و پاییزی هەڵەبجە رایانگەیاند، سوپاسی هەموو لایەك دەكەین كە كاریان بۆ سەرخستنی فێستیڤاڵ كرد و ئامارەكان لە رووی فرۆش و داهاتەوە زۆر دڵخۆشكەربوون.
هاوكات چیا قاسم بەڕێوەبەری گەشتوگوزاری هەڵەبجە لە كۆنگرەكەدا رایگەیاند، بەشێوەیەكی زانستییانە ئامارەكان وەرگیراون و خۆشبەختانە لە ماوەی سێ رۆژی فێستیڤاڵی هەنار و پاییزی هەڵەبجەدا 270 هەزار كەس سەردانی هەڵەبجەیان كردووە.
