بەپێی پێشبینییەکانی کەشناسیی هەرێم، ئەمڕۆ ئاسمان نیمچە هەور دەبێت بە گشتی و سبەینێ لە ناوچە شاخاوییەکان ئەگەری بارینی نمە باران هەیە.
بەڕێوەبەرایەتیی گشتیی کەشناسیی هەرێم بڵاویکردەوە، ئەمڕۆ ئاسمان نیمچە هەور دەبێت بە گشتی و لە ناوچە شاخاوییەکانیش هەوری تەواو دەبێت و پلەکانی گەرما کەمێک نزم دەبێتەوە لە تۆمارکراوەکانی دوێنێ.
سەبارەت بە کەشی سبەینێ رایدەگەیەنێت، “ئاسمان بەگشتی لەنێوان هەوری تەواو و نیمچە هەور دەبێت، ئەگەری بارینی نمە باران لە چەند ناوچەیەکی جیاجیا هەیە لە کاتی جیاجیادا، بە تایبەت ناوچە شاخاوییەکان، هاوکات پلەکانی گەرما کەمێک نزم دەبێتەوە”.
