وەزارەتی دارایی و ئابووری هەرێم بڵاویکردەوە، لە ئایندەیەکی نزیکدا بەغداد بڕی 700 ملیار دینار بۆ هەرێم دەنێرێت.
وەزارەتی دارایی و ئابووری لە راگەیەندراوێکدا بڵاویکردەوە، ئەمڕۆ دووشەممە رێکارەکانی ناردنی 700 ملیار دینارەکە لەلایەن وەزارەتی دارایی عێراقەوە بۆ هەرێمی کوردستان دەستیپێکرد و دوای تەواوکردنی رێکارەکان بڕیارە لەنزیکترین کاتدا لە ڕێی بانکەکانی رەشید و رافیدەین و بانکی بازرگانی عێراقیەوە بخرێتە سەر هەژماری بانکی وەزارەتی دارایی و ئابوری هەرێمی کوردستان.
ئەمە لە کاتێکدایە ئەمڕۆ شاندێکی هەرێم بۆ هەمان مەبەست گەیشتنە بەغداد.
