ئەندامێكی ئەنجومەنی نوێنەرانی عێراق رایدەگەیەنێت، بەپێی بەدواداچوونەكانمان بۆ دوایین نەخشە و دیزاینی هێڵی ئاسنین و رێگای گەشەپێدان بە نووسراوی فەرمی وەڵامدراوینەتەوە و ئەو نەخشەیەی ئاراستەمان كراوە كە هێڵی ئاسنین بە كەركوك تێدەپەڕێت بۆ چەمچەماڵ و ناحیەی – شۆڕش بۆ بازیان و سلێمانی و تا كانی گۆمەیە.
كاروان یاروەیس ئەندامی لیژنەی گواستنەوە و پەیوەندیكردن لە ئەنجومەنی نوێنەرانی عێراق رایگەیاند، دوابەدوای بەدواداچوونمان بۆ دوایین نەخشە و دیزاینی هێڵی ئاسنین و رێگای گەشەپێدان و وەكو ئەركمان لە لیژنەی گواستنەوە و پەیوەندییكردن لە ئەنجومەنی نوێنەران، وەزارەتی گواستنەوەی عێراق بە نووسراوی فەرمی دوا نەخشەی ئاراستە كردووین كە هێڵی ئاسنین بە كەركوك تێدەپەڕێت بۆ چەمچەماڵ و ناحیەی – شۆڕش بۆ بازیان و سلێمانی و تا كانی گۆمە.
راشیگەیاند، هێڵی ئاسنین رۆڵی گەورەی دەبێت لە بوژاندنەوەی ئابوری و جووڵەی بازرگانی و ئاسانكردنی پڕۆسەی گواستنەوە، وەك پڕۆژەیەكی ستراتیژیی كە عێراق ئەنجامی دەدات.
