بەهۆی پابەندنەبون بەمەرج و رێنماییەکانی کارکردن، لە سلێمانی فڕنەکانی (رەهێڵ، راپەڕین ، بەفرین) لەگەڕەکی راپەڕین داخران.
قائیمقامیەتی سلێمانی، رایگەیاند، ئەمڕۆ شەممە بەهۆی پابەندنەبوون بەمەرجەکانی تەندروستی و رێنماییەکانی دیکەی کارکردن لە شوێنەکانیاندا، لیژنە هاوبەشەکانی قائیمقامیەتی سلێمانی فڕنەکانی (رەهێڵ، راپەڕین ، بەفرین) یان داخست.
بەپێی زانیارییەکانی قائیمقامیەتی سلێمانی، یەکێکی دیکە لەسەرپێچی هەر سێ فڕنەکە، کە راپۆرتی لیژنەکان ئاماژەیان بۆ کردووە ئەوەوە بووە لەکاتی سەردانی لیژنەکان دەرکەوتووە لە شوێنی هەویر شێلان و ئامادەکردنی سەمونەکان جگەرەی تیادا کێشراوە، لەگەڵ نەبوون و بەسەرچونی مۆڵەتی پیشەیی و تەندروستی.
