وەزارەتی نەوتی عێراق بڵاویکردەوە، مانگی رابردوو زیاتر لە 103 ملیۆن بەرمیل نەوتی خاو هەناردەی دەرەوە کراوە و داهاتەکەشی زیاتر لە 9 ملیار دۆلار بووە.
وەزارەتی نەوتی عێراق ئەمڕۆ لە راپۆرتێکدا بڵاویکردەوە، بەپێی داتاکانی کۆمپانیای سۆمۆ، لە مانگی ئەیلولدا بڕی 103 ملیۆن و 143 هەزار و 199 بەرمیل نەوت هەناردەی دەرەوە کراوە داهاتەکەی 9 ملیار و 422 ملیۆن و 410 هەزار دۆلار بووە.
ئاشکراشیکرد، بە تێکڕا نرخی هەر بەرمیلێک نەوت بە 91.353 دۆلار بووە و بە 37 کۆمپانیای جیهانی فرۆشراوە.
