وەزارەتی گواستنەوەی عێراق رایدەگەیەنێت، ئەمڕۆ دوو بومەلەرزە قەزای خانەقینی هەژاندووە.
بەپێی راگەیەندراوێكی وەزارەتەكە كە داتا و زانیارییەكانی لە دەستەی گشتیی كەشناسی و بومەلەرزەزانیی عێراقەوە وەرگرتووە و تێیدا ئاماژەی بە روودانی دوو بومەلەرزە لە سنووری قەزای خانەقین كردووە.
ئاماژە بۆ ئەوەش كراوە بومەلەرزەی یەكەم بە گوڕی 4.1 پلە بووە بە پێوەری رێختەر و لە كاتژمێر 3:53 خولەكی دوای نیوەڕۆی ئەمڕۆ شەممە روویداوە و بومەلەرزەی دووەم بە گوڕی 3.1 پلە بە پێوەری رێخەر لە كاتژمێر 7:51ی خولەكی ئێوارەی ئەمڕۆ بووە كە هاوڵاتییانی قەزاكە هەستیان پێكردووە.
