لەسەر رێگای کەلار بەرەو دەربەندیخان رووداوێکی هاتوچۆ روویدا و بەهۆیەوە پێنج کەس برینداربوون و گواسترانەوە بۆ نەخۆشخانە.
بەڕێوەبەرایەتیی هاتوچۆی گەرمیان رایگەیاند، بەیانی ئەمڕۆ هەینی ئۆتۆمبێلێکی جۆری نیسان ناڤارا بە ئاڕاستەی قەزای دەربەندیخان رۆیشتووە، لە بەرامبەر گوندی (لەواوان) رێگاکە داخراو بووە و بووەتە یەک ئاڕاستە، خۆی کێشاوە بە بەربەستی کۆنکرێتی سەر رێگاکە.
باسی لەوەشکردووە، بەهۆی رووداوەکەوە شۆفێر و چوار سەرنشین برینداربوون و گواسترانەوە بۆ نەخۆشخانەی شەهید مەلا ئەحمەد کەلاری لە ناحیەی باوەنور.
