بەمەبەستی بەشداریکردن لە کۆڕبەندی خۆراکی جیهانی سەرۆک کۆماری عێراق بەرەو ئیتاڵیا بەڕێکەوت.
نوسینگەی د. لەتیف رەشید سەرۆک کۆماری عێراق بڵاویکردەوە، لەسەر بانگهێشتی رێکخراوی خۆراک و کشتوکاڵی جیهانی سەرۆک کۆمار بەرەو رۆمای پایتەختی ئیتاڵیا بەڕێکەوتووە.
لە سەردانەکەیدا بۆ ئیتاڵیا ژمارەیەک ئەندامی ئەنجومەنی نوێنەران و بەرپرسانی دیکەی حکومەت هاوەڵی لەتیف رەشید دەکەن، چاوەڕێ دەکرێت لە پەراوێزی کۆڕبەندەکەدا چەندین کۆبوونەوەی گرنگ ئەنجامبدەن.
