24 کاتژمێر بەسەر دەستپێکردنی تۆفانی ئەقسا تێپەڕیوە و تا ئێستا ژمارەی کوژراوانی ئیسرائیلی 300 کەسی تێپەڕاندووە.
میدیاکانی ئیسرائیل بڵاویانکردەوە، “ژمارەی ئەو کەسانەی لە بۆردومانەکانی حەماسدا کوژراون گەیشتووەتە 300 کەس و ژمارەی بریندارەکان هەزار و 590 کەسی تێپەڕاندووە.
ئاشکراشیانکرد، دەیان کەس لەلایەن بزووتنەوەی حەماسەوە بەدیل گیراون و گواستراونەتەوە بۆ کەرتی غەززە، کە سەرباز و ئەفسەری پلە باڵاشیان لەناودایە.
هاوکات وەزارەتی تەندروستی غەززە بڵاویکردەوە، 256 هاوڵاتیی فەلەستینی لە ئەنجامی هێرشەکانی ئیسرائیل کوژراون و 788 کەسیش برینداربوون کە لەناویاندا ژمارەیەکی زۆر منداڵ هەن.
