باباجان: بڕیارە كەسییەكانی ئەردۆغان سیاسەتی توركیا پێكدەهێنن

“كۆی دەوڵەت مەحكومە بە نیشاندانی دڵسۆزی بۆ تاكە كەسێك”

سەرۆكی پارتێكی توركیی بەرهەڵسكار ڕەخنە لە دەسەڵاتدارێتی وڵاتەكەی دەگرێت و دەڵێت، بەهۆی ئەردۆغانەوە نەوەیەك لە هەژاران دروستبووە.

عەلی باباجان، سەرۆكی پارتی دیموكراتی و پێشكەوتنی توركیی بەرهەڵسكار ئەمڕۆ سێشەممە 29ی كانونی یەكەم ڕەخنەی لە دۆخی ئابوریی وڵاتەكەی و پاشەكشەی ئاستی بژێوی و ژیان گرت و ئاماژەی بەوەشكرد كە سیستمی سەرۆكایەتی لە وڵات مافەكانی مرۆڤ و ئازادییە گشتییەكانی كۆتوبەند كردووە.

باباجان لە وتەیەكیدا لەبەردەم ئەندامانی پارتەكەی لە ئەنقەرەی پایتەخت وتیشی، “لەو وڵاتەی تیایدا دەژین، خەڵك بەدەست برسێتی و هەژاریی و، نایەكسانی لە داهات دەناڵێنن، ئەم پرسە بە قوڵی هەستیپێدەكرێت، سوپایەك لە هەژاران بەهۆی بەڕێوبردنێكی خراپەوە دروستدەبێت”.

ئەوەشی خستەڕوو، مافەكانی مرۆڤ و ئازادییەكان پێشێلدەكرێن، قەیوم بۆ شارەوانییەكان دادەنرێن یەك لەدوای یەك، ئیرادەی گەل پێشێل دەكرێت و، فشار لەسەر ڕێكخراوە ناحكومییەكان دەكرێت.

سەرۆكی پارتی دیموكراتی و پێشكەوتن دوپاتیشیكردەوە، “كۆی دەوڵەت مەحكومە بە نیشاندانی دڵسۆزی بۆ تاكە كەسێك، نەك دڵسۆزی بۆ یاسا، سەرچاوە سروشتییەكانی وڵات وێراندەكرێت، سیاسەتەكانی دەرەوە بە بریاری كەسی بەڕێوەدەبرێن”.

بابەتی پێشتر

ئیشبیلیە 2 - 0 ڤیاڕیاڵ

بابەتی دواتر

دارەتوو.. لە شەڕێكدا دوو كەس كوژران و پێنجی دیكەش برینداربوون

بابەتی پەیوەندیدار
Total
1
Share