لە هەولێر دوو تۆمەتبار بە پێنج كیلۆگرام ماددەی هۆشبەرەوە دەستگیركران.
بەڕێوەبەرایەتیی نەهێشتنی ماددە هۆشبەرەکان رایگەیاند، ئەمڕۆ تیمەكانیان بە پلانێکی ورد و تۆکمە دوو تۆمەتباریان بە پێنج كیلۆ ماددەی هۆشبەر لە جۆری كریستاڵ-ەوە دەستگیركرد.
ئەوەشی خستەڕوو، تۆمەتباران، كە خەڵکی شارۆچکەی قەڵادزێ-ن، بەنیازبوون ماددە هۆشبەرەكە بۆ ناو شاری هەولێر بگوازنەوە.
هەردوو تۆمەتبار پەڕاوی لێکۆڵینەوەیان بۆ کرایەوە و بە گوێرەی یاسای بەرەنگاربوونەوەی ماددە هۆشبەرەکان و کارتێکەرە ئەقڵیەکان رووبەرووی یاسا دەکرێنەوە، وەك ئەوەی بەڕێوەبەرایەتییەكە ئاماژەی پێداوە.
