بەبۆنەی سەرکەوتنی پێنجەمین کۆنگرەی یەکێتیی نیشتمانی کوردستان مەسرور بارزانی سەرۆکی حکومەتی هەرێم پەیامێکی پیرۆزبایی ئاڕاستەی بافڵ جەلال تاڵەبانی کرد.
لە پەیامەکەی مەسرور بارزانیدا هاتووە، بە بۆنەی سەرکەوتنی کۆنگرە و دەستنیشانکردنی سەرکردایەتی نوێی یەکێتی، پیرۆزبایی لە ئێوە و هەموو ئەندام و لایەنگرانی حیزبە تێکۆشەرەکەتان دەکەم.
ئاماژەی بەوەشکردووە، هیوادارم قۆناغێکی نوێ لە خزمەتی گەل و نیشتمان دەستپێبکەن و هەنگاوەکانتان بۆ یەکڕیزی و تەبایی و پەرەپێدان بە دەستکەوتەکان و پاراستنی نیشتمان و بەرژەوەندییە باڵاکانی خاک و خەڵکی کوردستان چڕتر بکەن و هەروەها هەماهەنگی و پشتیوانیتان بو جێبەجێکردنی پلان و بەرنامەکانی حکومەت زیاتر بکەن.
