ئەندامێکی نوێی ئەنجومەنی سەرکردایەتی یەکێتی دوای پیرۆزبایی سەرکەوتنی کۆنگرەی پێنجەمی حزبەکەی ئاماژە بەوەدەکات، “قۆناغی کارکردنی ئێمە دوای کۆنگرە دەستپێدەکات و ئەرکمان قورسە”.
دکتۆر رێواز فایەق، ئەندامی نوێی ئەنجومەنی سەرکردایەتی یەکێتی، لە لێدوانێکیدا رایدەگەیەنێت، “قۆناغی کارکردنی ئێمە دوای کۆنگرە دەستپێدەکات، ئەرکەکەمان زۆر قورسە چونکە دوای کۆنگرە هەلومەرجێکی نوێ چاوەڕێمان دەکات و دەبێت بۆ ئەوە ئامادەبین”.
ئەوەشی خستەڕوو، “کۆنگرەکە بەپێی ماددەیەکی پەیڕەوی ناوخۆ ئەنجامدراوە و بەپێی ئەو ماددەیەش جێبەجێکراوە”.
کۆنگرەی پێنجەمی یەکێتیی نیشتمانیی کوردستان لە پێنجەمین رۆژی خۆیدا کۆتایی بە کارەکانی هێنا، تێیدا سێ ئەنجومەنی نوێ و ئەندامانی ئەنجومەنی سەرکردایەتی ئەو حزبە هەڵبژێردران.
