بڕیارە بەیانی ئەمڕۆ كارەكانی سێیەم رۆژی كۆنگرەی پێنجەمی یەكێتیی نیشتمانیی كوردستان بەڕێوەبچێت و پەیڕەوی ناوخۆ پەسەنددەكرێت و ئەنجومەنی سەركردایەتیی هەڵدەبژێردرێت.
تەلار لەتیف وتەبێژی كۆنگرەی پێنجەمی یەكێتی لە لێدوانێكی رۆژنامەوانیدا رایگەیاند، تائێستا لیژنەی پەیڕەو كارەكانی خۆی تەواونەكردووە و ئەمڕۆش گفتوگۆكانی بەردەوام دەكات و وتیشی، “هەر دەق و پڕۆژەیەكیش لە ماڵپەر و كەناڵە فەرمییەكانی یەكێتی بڵاونەبێتەوە دوورە لە راستییەوە”.
هەر بەپێی زانیارییەكان لە كۆبوونەوەی ئەمڕۆدا دەنگ لەسەر راپۆرتی ئەو لیژنانە دەدرێت كە ئامادەكراون و دەكرێتە بەرنامەی كاری یەكێتی بۆ چەند ساڵی داهاتوو.
