زیاد جەبار ئەندامی كۆنگرەی پێنجەمی یەكێتی لە لێدوانێكی رۆژنامەوانیدا رایگەیاند، گفتوگۆ لەسەر راپۆرتی شەش لیژنەكە كراوە و ئەندامانی لیژنەكەش سەرنج و تێبینی خۆیان خستەڕوو و وتیشی، “چاوەڕواندەكرێت سبەی ئەنجومەنی سەركردایەتی هەڵبژێردرێت”.
راشیگەیاند، كاردەكرێت كەپەیڕەوی ناوخۆ بەشێوەیەك ئامادەبكرێت كە ئامانج لێی زیاتر خزمەتكردنی هاوڵاتییان بێت و ئەوەی ماوەتەوە راپۆرتی چەند لیژنەیەكی دیكەیە كە سبەی گفتوگۆیان لەسەردەكرێت و بە دڵنیاییەوە یەكێتی كۆنگرەیەكی سەركەوتوو تێدەپەڕێنێت.
زیاد جەبار جەختیشیكردەوە، بەپێی ئەو پلانەی دانراوە چاوەڕواندەكرێت سبەی ئەنجومەنی سەركردایەتی هەڵبژێردرێت كە ئەوەش بەپێی پەیڕەوی ناوخۆ ئەو پرسە یەكلادەكرێتەوە.
