وەزیری نەوتی عێراق زانیاریی نوێ لەبارەی دەستپێكردنەوەی هەناردەی نەوتی هەرێم لە رێگای بەندەری جەیهانەوە بۆ توركیا ئاشكرادەكات و دەشڵێت، “راگرتنی هەناردەی نەوتی هەرێم زیانی بە نەوتی عێراقیش گەیاندووە”.
حەیان عەبدولغەنی وەزیری نەوتی عێراق رایگەیاند، بڕیارە بەم نزیكانە ئاڵب ئەرسەلان بەیرەقدار وەزیری وزەی توركیا سەردانی بەغداد بكات و ئامانجی سەردانەكەش گفتوگۆكردنە لەسەر پرسی دەستپێكردنەوەی هەناردەی نەوتی هەرێم بۆ توركیا لە رێگای بەندەری جەیهانەوە.
راشیگەیاند، دەستپێنەكردنەوەی هەناردەی نەوت بە بۆچوونی ئێمە زیانی بە پرسی نەوت و هەناردەكردنی لە عێراقدا گەیاندووە و بۆیە لەسەر ئەو بنەمایە گفتوگۆ و دانوستان لەگەڵ وەزیری وزەی توركیا دەكرێت.
