وەزارەتی تەندروستیی عێراق چەند بڕیارێکی دەرکرد

وەزارەتی تەندروستیی عێراق چەند بڕیارێکی دەرکرد و ڕایگەیاند، کارمەندانی نەخۆشخانە ئەهلییەکان و ڕیستۆرانتەکان دەبێت کارتی خۆ کوتانیان بە ڤاکسینی کۆرۆنا پێبێت.

وەزارەتی تەندروستیی عێراق ئەمڕۆ 9ی نیسان چەند بڕیارێکی دەرکرد و ڕایگەیاند، “داوا لە کۆمپانیاکانی فڕۆکەوانی دەکەین بە هیچ شێوەیەک بلیتی گەشت بۆ هیچ کەسێک نەبڕن، تا کاتێک ئەو کەسە کارتی خۆ کوتان لەگەڵ خۆی دەهێنێت”.

لە بڕیارێکی دیکەی وەزارەتی تەندروستیی عێراقدا هاتووە، “ئەو کەسانەی لە نەخۆشخانە ئەهلییەکان و دەرمانخانەکاندا کار دەکەن پێویستە هەڵگری کارتی خۆ کوتانبن بە ڤاکسینی کۆرۆنا”.

لە خاڵێکی دیکەی بڕیارەکاندا ئاماژە بەوەکراوە، “ناوەندەکانی فرۆشتن یان ڕیستۆرانت و شوێنە گشتییەکان کارمەندانیان پێویستە هەڵگری کارتی ڤاکسینی کۆرۆنا بن، ئەگینا ڕێگە بەو شوێنە نادرێت لە کارەکانی بەردەوام بێت”.

بابەتی پێشتر

کەشناسی هەرێم پێشبینییەکانی بۆ بارانبارین ڕادەگەیەنێت

بابەتی دواتر

زیاتر لە هەزار کەسی دیکە لە هەرێم توشی کۆرۆنا بوون

بابەتی پەیوەندیدار