ئەمینداری حیزبی ئیسلامی پیرۆزبایی هەڵبژاردنەوەی بافڵ جەلال تاڵەبانی بە سەرۆكی یەكێتی دەكات و بە درێژەپێدەری رێبازی مام جەلال ناویدەبات.
رەشید ئەلعەزاوی، ئەمینداری گشتیی حیزبی ئیسلامیی عێراق پەیامێكی ئاراستەی بافڵ جەلال تاڵەبانی، سەرۆکی یەکێتیی نیشتمانیی کوردستان كرد و تیایدا هاتووە، پیرۆزبایی لە ئێوە و یەکێتی، سەرکردایەتی، کادر و جەماوەرەکەتان دەکەم بە بۆنەی بەستنی پێنجەمین کۆنگرە و هەڵبژاردنتان بەسەرۆکی یەکێتی.
دەشڵێت، “هیوای بەردەوامی و سەرکەوتن و بەخششی زیاترتان لە ئەرکە حیزبی نیشتمانییەکان و لە رێچکەی حیزبایەتیدا بۆ دەخوازم کە سەرۆکی کۆچکردوو سەرۆک جەلال تاڵەبانی دامەزرێنەری بوو، ئێوەش لەئێستادا بەئيرادە و توانایەکی گەورەوە درێژەپێدەری ئەو رێبازەن”.
پێش نیوەڕۆی ئەمڕۆ کۆنگرەی پێنجەمی یەکێتی بە بەشداریی 600 ئەندام و میوانانی کۆنگرە لە تەلاری هونەر لە سلێمانی دەستیپێکرد و بڕیارە سێ رۆژ بخایەنێت.
ئێوارەی ئەمڕۆ لە بەشی دووەمی كارەكانی كۆنگرەدا بە كۆی دەنگی ئەندامان بافڵ جەلال تاڵەبانی بە سەرۆك هەڵبژێردرایەوە.
