پۆلیسی هەولێر كوشتنی ژنێك لەلایەن هاوسەرەكەیەوە ڕادەگەیەنێت.
بەڕێوەبەرایەتیی پۆلیسی پارێزگای هەولێر ڕایگەیاند، دوای ئاگاداركردنەوەیان لەبارەی ڕووداوێكی كوشتن لە گەڕەكی (ئاری)، پاش گەیشتنی هێزەكانی پۆلیس بۆ شوێنی ڕووداو دەرکەوت ژنێك بەناوی (ج.ع.ح.) تەمەن (38) ساڵ لەلایەن هاوسەرەکەیەوە بەناوی (ع. خ.) لەسەر کێشەیەکی خێزانی کوژراوە.
لەلایەن هێزەكەی پۆلیسەوە تەرمەکە ڕەوانەی پەیمانگای پزیشکی دادی کرا بۆ لێکۆڵینەوە.
پۆلیسی هەولێر دەڵێت، سەرقاڵی لێکۆڵینەوەن بۆ دەستگیرکردنی بکەری تاوانەکە.
