بەشێکی تایبەت بە وزەی نوێبووەوە لە زانکۆی پۆلیتەکنیکی هەولێر دەکرێتەوە

بەشێکی تایبەت بە وزەی نوێبووەوە لە کۆلێژی تەکنۆلۆجی زانکۆی پۆلیتەکنیکی هەولێر دەکرێتەوە و بڕیارە بۆ ئەم ساڵ خوێندکار وەربگرێت.

زانکۆی پۆلیتەکنیکی هەولێر بەهەماهەنگی لەگەڵ زانکۆی THMی ئەڵمانی تاقیگەی تایبەت بە وزەی نوێبووەوە لە هەولێر دادەمەزرێنن، کە ئامانج لە دامەزراندنی ئەو تاقیگەیە هەنگاونان بووە بۆ دامەزراندنی بەشێکی تایبەت بە وزەی نوێبوونەوە لە کۆلێژی تەکنۆلۆجی زانکۆکە و بڕیارە بۆ ئەم ساڵ خوێندکار بۆ ئەو بەشە وەربگیرێت.

ئەم پڕۆژەیە لە ساڵی 2022 دەست بە هەنگاوەکانی جێبەجێکردنی کرا و بڕیارە تاکۆتایی ئەمساڵ گشت ئامێرەکانی تایبەت بەم تاقیگەیە کارەکانی کۆتایی پێبێت.