وەزارەتی بیناسازی و نیشتەجێکردن و شارەوانی گشتی عێراق ئاماژە بەوە دەکات ئەو پڕۆژانەی نیشتەجێبوون کە ئێستا لەلایەن حکومەتەوە جێبەجێ دەکرێن، تەنها 50٪ کورتهێنانی یەکەکانی نیشتەجێبوون پڕدەکاتەوە و پێویستیان بە زیاتر لە سێ ملیۆن یەکەی نوێیە.
بەڕێوەبەری گشتیی بەشی نیشتەجێبوونی ئەو وەزارەتە، لە لێدوانێکیدا بۆ رۆژنامەی سەباح ڕاگەیاند، “بەدەست کورتهێنانی یەکەکانی نیشتەجێبوونەوە دەناڵێنن کە زیاتر لە سێ ملیۆن یەکەیە، سەرەڕای ئەوەی حکومەت لە ساڵی 2003ەوە حەوت هەزار پڕۆژەی نیشتەجێبوونی دروستکردووە.”
ئاماژەی بەوەشکرد، “زیاتر لە یەک ملیۆن و 200 هەزار داواکاری بۆ بەدەستهێنانی پارچە زەوی لە بەغداد پێشکەشی حکومەت کراوە، توانیومانە زیاتر لە نۆ هەزار یەکەی نیشتەجێبوون بەسەر چەند توێژێکی جیاوازدا دابەش بکەین”.
