لە کۆی 195 وڵاتی جیهان ئەمریکا لە پلەی یەکەمی ریزبەندی ئەو وڵاتانەدایە کە زۆرترین کاریگەرییان لەسەر جیهان هەیە و عێراقیش لە پلەی 50 دایە.
گۆڤاری CEOWORLD ی تایبەت بە ئامارەکان ریزبەندی ئەو وڵاتانەی بڵاوکردەوە کە زۆرترین باڵادەستی و کاریگەرییان لەسەر جیهان هەیە.
بەپێی ریزبەندییەکە، ئەمریکا لە پلەی یەکەمدایە، لەدوای ئەویش چین پلەی دووەمی گرتووە و رووسیا پلەی سێیەم و هیندستان و فەرەنسا پلەکانی چوارەم و پێنجەمیان گرتووە.
گۆڤارەکە ریزبەندییەکەی لەسەر ئاستی زانستی و وەرزش و تەکنەلۆجیا و ئابووری و سەربازی کردووە و ئەڵمانیا و بەریتانیا و ژاپۆن و سعودیە و ئیتاڵیا پلەکانی شەشەم تا 10-یەمیان گرتووە.
هاوکات لە ریزبەندی وڵاتە عەرەبییەکاندا سعودیە پلەی یەکەم و ئیمارات پلەی دووەم و میسر پلەی سێیەم و عێراق پلەی چوارەمی گرتووە.
هاوکات لە کۆتایی ریزبەندییەکە بە وڵاتی گرینادا هاتووە کە کەمترین کاریگەری لەسەر جیهان هەبووە.
