وتەبێژی وەزارەتی دەرەوەی ئەمریكا رایدەگەیەنێت، داوا لە حكومەتی هەرێم حكومەتی عێراق دەكەن كە كێشەكانیان لەسەر بودجە چارەسەربكەن.
ماتیو میلەر، وتەبێژی وەزارەتی دەرەوەی ئەمریكا لە كۆنگرەیەكی رۆژنامەوانیدا لەبارەی كێشەكانی نێوان حكومەتی هەرێم و حكومەتی عێراق رایگەیاند، بەردەوامدەبن لە داواكردن لە حكومەتەكانی هەولێر و بەغداد بەوەی كێشەكانیان لەسەر بودجە بەشێوەیەك چارەسەر بكەن كە لە بەرژەوەندیی هاوڵاتییانی عێراقدا بێت.
هاوكات هەر ئەمڕۆ، پێشەوا هەورامانی، وتەبێژی حكومەتی هەرێم رایگەیاند، ” بەمەبەستی گفتوگۆ و ئەنجامدانی ژمارەیەك كۆبوونەوە لە بەغداد، سەرۆك وەزیران مەسرور بارزانی، قوباد تاڵەبانی جێگری سەرۆك وەزیران و شاندێكی حكومەتی هەرێم سبەی سەردانی بەغداد دەكەن، هەرێمی كوردستان مەبەستییەتی لەگەڵ حكومەتی فیدڕاڵ بگاتە ئەنجام و خەڵكی هەرێمی كوردستان وەك سەرجەم ناوچەكانی دیكەی عێراق شایستە داراییەكانیان و لە نێویاندا مووچەیان پێبدرێت”.
