وەزیری كار و كاروباری كۆمەڵایەتیی هەرێم رایدەگەیەنێت، لە كۆبوونەوەی ئەنجومەنی وەزیراندا باس لە دووبارە پەیڕەوكردنی سیستمی پاشەكەوت و لێبڕین لە مووچە نەكراوە لە راگەیەندراوەكەی حكومەتدا باس لە هۆكاری نەناردنی شایستە داراییەكان لەلایەن بەغدادەوە كراوە.
كوێستان محەمەد وەزیری كار و كاروباری كۆمەڵایەتیی هەرێم رایگەیاند، لەم كابینەیەدا وەزارەتی كار زۆرترین هەلی كاری لە كەرتی گشتیدا راگەیاندووە و دامەزراندن تەنها پەیوەست نییە بە وەزارەتی كار و كاروباری كۆمەڵایەتیی هەرێمەوە، بەڵكو پەیوەستە بە سەرجەم وەزارەتەكان و كابینەی حكومەتەوە.
ئاماژەی بۆ ئەوەش كرد، لە دوایین كۆبوونەوەی ئەنجومەنی وەزیراندا باس لە دووبارە پەیڕەوكردنی سیستمی پاشەكەوت و لێبڕین لە مووچە نەكراوە و لە راگەیەندراوەكەی حكومەتدا باس لە هۆكاری نەناردنی شایستە داراییەكانی هەرێم لەلایەن بەغدادەوە كراوە.
