رێکخراوی تەندروستیی جیهانیی هۆشداریی دەدات لەگەڵ هاتنی وەرزی زستان ژمارەی تووشبووان بە گۆڕاوەکانی کۆرۆنا روو لەبەرزبوونەوە دەکەن.
تیدرۆس ئەدهانۆم گیبریسۆس بەڕێوەبەری گشتیی رێکخراوی تەندروستیی جیهانی رایگەیاند، هەست بە دڵەڕاوکێ دەکەین لەبارەی چەند مانگی داهاتوو و هاتنی وەرزی زستان لە نیوەگۆی باکووری زەوی، بەهۆی مەترسییەکانی بەرزبوونەوەی حاڵەتەکانی تووشبوون بە گۆڕاوەکانی کۆرۆنا”.
ئاماژەی بەوەشکرد، “هەردوو کۆمپانیای مۆدێرنا و ڤایزەر دڵنیاییان لە کاریگەریی ڤاکسینەکانیان لەسەر گۆڕاوە نوێیەکانی کۆرۆنا داوە”.
ئاشکراشیکرد، “پێشبینی دەکەین حاڵەتەکانی تووشبوون لە رۆژهەڵاتی ناوەڕاست و ئاسیا بەرزببنەوە، ژمارەی ئەو کەسانەی بەهۆی ڤایرۆسەکەوە لە نەخۆشخانەکان دەمێننەوە لە وڵاتانی ئەوروپا روو لە بەرزبوونەوە دەکات”.
