لە ماراسۆنێکێکی گەورەدا کە بە بەشداری 30 هەزار کەس بەڕێوەچوو، دەرکەوتووە 11 هەزار کەس بە بەکارهێنانی ئۆتۆمبێل و هێڵی گواستنەوەی گشتیی هەوڵیانداوە کێبڕکێکە ببەنەوە.
ماراسۆنەکە 27 ی مانگی رابردوو لە شاری مەکسیکۆ سیتی بەڕێوەچوو، درێژیەکەی 42 کیلۆمەتر بوو، لەدوای کۆتاییهاتنی کێبڕکێکە سکاڵایەکی زۆر هەبوو لە حاڵەتەکانی گزیکردن.
لەدوای دەستکردن بە لێکۆڵینەوەکان دەرکەوت 11 هەزار بەشداربوو بە پێ ماوەکەیان نەبڕیوە و بەڵکو ئۆتۆمبێل و هۆیەکانی دیکەی گواستنەوەیان بەکارهێناوە.
بەپێی بڕیاری لیژنەی ئامادەکاریی کێبڕکێکە، ئەو کەسانەی گزیان کردووە ئەنجامەکانیان رەتدەکرێتەوە و جارێکی دیکە رێگەیان پێنادرێت بەشداریی پاڵەوانێتیی دیکە بکەن.
