بنەماڵەی نیاز دەرگەڵەیی لە روونکردنەوەیەکی نوێدا بڵاویانکردەوە، پەنجەی تۆمەت بۆ هیچ کەسێک راناکێشن و چاوەڕێی ئەنجامی لێکۆڵینەوەکانن.
لە روونکردنەوەکەی بنەماڵەی نیاز دەرگەڵەییدا هاتووە، “بە پێویستی دەزانین جارێكی تر بەهەموو لایەكی رابگەیەنین كە ئەو هەواڵ و پڕوپاگەندانەی لەبارەی تیرۆركردنی شەهید (نیاز دەرگەڵەیی) بڵاودەبنەوە، تێكڕایان بێ بنەما و ناڕاستن و هیچ جۆرە زانیارییەكی دروستیان تیادا نییە، ئێمە وەك بنەماڵە پەنجەی تۆمەت و تاوانباركردنمان بۆ هیچ كەسێك درێژنەكردووە، بەڵكو چاوەڕوانی ئەنجامەكانی لێكۆڵینەوە و بەدواداچوونەكانین”.
باسیانلەوەشکردووە، ” هیوادارین لە نزیكترین كاتدا لایەنی پەیوەندیدار وردەكاری ئەو كردە تیرۆریستییە بۆ رای گشتی و بنەماڵەكەمان ئاشكرا بكات”.
لە کۆتایی روونکردنەوەکەشدا داوایانکردووە، هیچ كەسێك بڕوا بەو هەواڵانە نەكات كە لەوبارەیەوە بڵاودەكرێنەوە و بەتایبەت ناوی هیچ كەسێك نەزڕێنن و چاوەڕوانی ئەنجامی فەرمی لێکۆڵینەوەی هێزە ئەمنییەكان بن.
