بەڕێوەبەرایەتیی کەشناسیی هەرێم بڵاویکردەوە، سبەینێ لە سنوورى پارێزگاى هەڵەبجە و سلێمانى و بەشێک لە کەرکووک دەکەوێتە ژێر شەپۆلێکى بارانبارین لە دەریایی سوورەوە و ئەگەرى تەرزە بارینیشى هەیە.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، “ئەمڕۆ سێشەممە ئاسمان ساماڵ و پەڵە هەور دەبێت لە سنوورى پارێزگاى سلێمانى و هەڵەبجە ئاسمان نیمچە هەور دەبێت، پلەکانی گەرما نزمتردەبنەوە لە تۆمارکراوەکانی دوێنێ بە نزیکەی بە (1-3 ) پلە”.
ئاماژەی بەوەش کرد، ” ئاسمان نیمچە هەوردەبێت لە تەواوى ناوچە جیاجیاکاندا، لە ئێوارەدا لە سنوورى پارێزگاى هەڵەبجە و سلێمانى و بەشێک لە کەرکووک دەکەوێتە ژێر شەپۆلێکى بارانبارین لە دەریایی سوورەوە ئاستى دابارین لەسەر ئەم ناوچانە مامناوەند دەبێت و لەکاتى دابارین هەورە تریشقە دەبێت و ئەگەرى تەرزە بارینیشى هەیە”.
