وەزارەتی دارایی هەرێم رێنمایی وه‌رگرتنه‌وه‌ی قه‌رز و پێشینه‌ی هاوسه‌رگیری و خانوبه‌ره‌ی له دەستەبەر هەڵوەشاندەوە.
بەپێی رێنمایی دارایی ژمارە (10)ی ساڵی 2023 كە بە نوسراوی وەزارەتی دارایی و ئابوریی ژمارە (10532) لە 3ی ئەیلول دەرچووە بڕیاردراوە بە هەڵوەشاندنەوەی رێنمایی ژمارە (9)ی ساڵی 2023 تایبەت بە وەرگرتنەوەی قەرز و گەڕاندنەوەی پشكی پێشینەی (هاوسەرگیری و خانووبەرە) لە دەستەبەر (كەفیل).
لە سەرەتای مانگی تەمموزی ئەمساڵ وەزارەتی دارایی و ئابووری بڕیاریدا دوو مانگ مۆڵەت بداتە ئەو کەسانەی کە قەرزی پێشینەیان نەگەڕاندووەتەوە، دوای ئەو دوو مانگە یەک لەسەر پێنجی مووچەی ئەو فەرمانبەرە دەبڕدرێت کە بووەتە کەفیل، دواتر بڕیارەكە راگیرا، بەرلەوەی بە تەواوی هەڵبوەشێندرێتەوە.
