دەزگای ئاسایشی هەرێم دەستگیركردنی باندێكی بە تۆمەتی گەڕان بە دوای شوێنەواردا راگەیاند.
بەپێی راگەیەندراوێكی دەزگای ئاسایشی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، بەڕێوەبەرایەتیی ئاسایشی ڕۆژئاوای سلێمانی بە هەماهەنگی هێزەكانی كۆماندۆی كوردستان، پێنج كەسیان بە تۆمەتی گەڕان بە دوای شوێنەواردا راگەیاند.
لە راگەیەندراوەكەدا هاتووە، هێزەكانی ئاسایش دوای چاودێریكردن و بەدواداچوون، بە بڕیاری دادوەری لێكۆڵینەوە لە رۆژی 23ی 8ی 2023 بە هاوكاریی هێزەكانی كۆماندۆی كوردستان، لە ناحیەی (قادركەرەم)ی سنووری قەزای چەمچەماڵ، باندێكی 5 كەسیان دەستگیركرد و دەستگیرا بەسەر چەندین پارچە ئامێری پشكنین و گەڕان و دۆزینەوەی شوێنەوار.
ئاماژە بۆ ئەوەش كراوە، لە ئێستادا بەماددەی 42 ی شوێنەوار تۆمەتباران ڕاگیراون و لێكۆڵینەوە لە دۆسیەكانیان بەردەوامە.
دەزگای ئاسایشی هەرێم دڵنیایی دەدات، هێزەكانیان هەمیشە چاوكراوەدەبن لە پێناو پارێزگاریكردن لە شوێنەوارە مێژووییەكان، داوا لە هاوڵاتییان دەكات وەك هەمیشە هاوكار و پشتیوانبن لە پێدانی زانیاری بە دەزگا ئەمنییەكان.
