تەرمی گەنجێك بە سەربڕدراوی لە ناحیەی باشیك-ی سەر بە قەزای شێخان دۆزرایەوە.
یەكێك لە كەسوكاری گەنجەكە بە تۆڕی میدیایی ئێستای ڕاگەیاند، گەنجەكە ناوی عەدنان نەشوان سلێمان-ـە و تەمەنی 17 ساڵە، دوای چوونەدەرەوەی لە ماڵەكەیان لە ڕۆژی سێشەممەی ڕابردووەوە بێسەروشوێن بووبوو، دوانیوەڕۆی ئەمڕۆ چوارشەممە تەرمەكەی لەناو باخێكدا لە گوندی ئۆمەر قەپچی لە سنووری ناحیەی باشیك دۆزراوەتەوە.
پەیامنێرمان لە پارێزگای دهۆك ڕایگەیاند، تەرمی قوربانییەكە گواستراوەتەوە بۆ پزیشكیی دادیی موسڵ و تا ئێستا كەس بەتۆمەتی كوشتنی دەستگیرنەكراوە.
