كچە ئەندازیارێكی هەڵەبجە دیزاینێكی نوێ بۆ مۆنۆمێنتی یادگاریی هەڵەبجە ئامادەدەكات.
رەیان عەبدولڕەحیم مەلا تاهیر، ئەندازیاری تەلارسازی لەبارەی بیرۆكەكەی و دیزاینی نوێی مۆنۆمێنتی هەڵەبجە رایگەیاندووە، ئەم بیرۆكە و دیزاینە لە (2023/3/16) پێشكەش بە شارەكەم “شاری شەهیدان” دەكەم بەو هیوایەی خزمەتێك بكات و بتوانرێت سوودێكی لێوەربگیرێت.”
”لە دیزاینەكەدا چوار بیرۆكەی سەرەكی و چەندین بیرۆكەی دیكە لە پێكهاتەكانی پڕۆژەكەدا كراوەتە بنەما، هەروەك لەسەر نەخشەكان دیاریكراون، مێژووی كۆن و نوێ و داهاتووی هەڵەبجە و سروشتی كارەساتەكە و دەرئەنجامەكانی و چۆنییەتی ڕوانینمان بۆ ئایندەی ئەم شارە لە چوارچێوەیەكی هونەریی ئەندازەییدا دیزاینكراوە لە رێگای مۆنۆمێنتەكەوە گوزارشتی لێدەكرێت.
