سەرۆك وەزیرانی عێراق، لەبارەی دۆخی كەركوكەوە راگەیەندراوێكی بڵاوكردەوە و داوا لە هێز و لایەنە سیاسییەكان دەكات رۆڵیان هەبێت لە پاراستنی ئاسایش و سەقامگیریی شاری كەركوكدا .
محەمەد شیاع سودانی سەرۆك وەزیرانی عێراق راگەیەندراوێكی بڵاوكردەوە و ھێزە ئەمنییەكانی كەركوكی راسپارد رۆڵیان هەبێت لە دابینكردنی ئاسایش و سەقامگیری شارەكە و ھەر كەسێك چەكی هەڵگرت هێزە ئەمنییەكان دەستگیری بكەن.
سەرۆك وەزیرانی عێراق داواشی لە ھێزە ئەمنییەكان كرد، قەدەغەی هاتوچۆ لە كەركوك جێبەجێبكەن و ئەو ناوچانە بپشكنن كە گرژییان تێدایە، هەروەها داوای لە ھەموو هێزە سیاسییەكان كرد، رۆڵیان ھەبێت لە پاراستنی ئاسایش و سەقامگیریی شاری كەركوكدا.
