فراكسیۆنی یەكێتی راگەیەندراوێكی بڵاوكردەوە و ئاشكرایكرد كە كەركوك بە بارودۆخێكی ناجێگیردا تێدەپەرێت و داوا لە هەر سێ سەرۆكایەتییەكەی عێراق دەكات رێكاری بەپەلە بۆ ئاساییكردنەوەی دۆخی كەركوك بگیرێتەبەر.
لە راگەیەندراوەكەی فراكسیۆنی یەكێتیدا هاتووە، دوای داخستنی رێگای سەرەكی كەركوك – هەولێر لەلایەن ژمارەیەك خۆپیشاندەر دژ چۆڵكردنی بینایی فەرماندەیی هێزە هاوبەشەكانی عێراق لە كەركوك و رادەستكردنەوەی بە پارتی كەركوك بە باردۆخێكی ناجێگر تێدەپەڕێت.
ئاماژەیان بۆ ئەوەش كردووە، ئێمە لە فراكسیۆنی یەكێتی وێڕای ئەوەی دژی داخستنی رێگایی سەرەكی كەركوك – هەولێرین كە بارگرانی زۆری بۆ هاوڵاتییان دروستكردووە، داواتان لێدەكەین رێكاری بەپەلە بگرنەبەر بۆ ئاساییكردنەوەی دۆخی كەركوك.
فراكسیۆنی یەكێتی داوا لە هاوڵاتییانی شاری كەركوك لە هەموو پێكهاتەكان دەكات بە خۆیاندا بگرن و رێگەنەدەن لەپێناو مەرامی سیاسی هەندێك لایەن سەقامگیریی كەركوك و پێكەوەژیانی ئاشتییانە لە شارەكە بكەوێتە مەترسییەوە.
وەك فراكسیۆنی یەكێتیی نیشتمانیی كوردستان لەسەر هێڵین و هەموو جۆرە رێكارێكی یاسایی دەگرینەبەر بۆ سزادانی هەر كەس و لایەنێك كە بیەوێت بە ئاڵۆزكردنی دۆخی كەركوك لە ئاوی لێل ماسی بگرێت.
