لە شەڕێكی نێوان دوو خێڵدا لە بەسڕە، پێنج كەس كوژران و برینداریش هەن، لە شەڕەكەشدا چەكی مامناوەند بەكارهاتووە.
محەمەد خەڵەف، ئەفسەر لە سوپای عێراق لەوبارەیەوە بە ئاژانسی ئانادۆڵوی وتووە، “لە پارێزگای بەسڕە شەوی ڕابردووە، پێنج كەس كوژراون و حەوتی دیكەش برینداربوون، بەهۆی شەڕی عەشایەرییەوە”.
ئەوەشی خستوەتەڕوو، شەڕەكە لە ناوچەی كەرمە لە پارێزگای بەسڕە لەنێوان خێڵی حەمدانە و بۆعفەرە بەهۆی هەندێك كێشەی كۆنەوە ڕویداوە.
ئەفسەرەكەی سوپا ئاشكراشیكردووە، لە شەڕەكەدا چەكی مامناوەن و سوك بەكارهاتوون.
ئاماژەی بەوەشكردووە، سوپای عێراق چووەتە ناو شەڕەكەوە و كۆنتڕۆڵی دۆخەكەی كردووە.
