میدیاکانی ئێران بڵاویانکردەوە، بەهۆی کەوتنەخوارەوەی هێلیکۆپتەرێکی وەزارەتی ناوخۆی ئێرانەوە فەرماندەیەکی ئەو وڵاتە گیانیلەدەستدا و ژمارەیەکی دیکە لە سەرنشینەکان برینداربوون.
بەپێی میدیای فەرمیی ئێران، هێلیکۆپتەرەکە لە پارێزگای کرماشانی رۆژهەڵاتی کوردستان کەوتووەتەخوارەوە، بەهۆی کەوتنەخوارەوە و تێکشکانییەوە فەرماندەی گشتیی هێزە ئەمنییەکانی کرماشان گیانیلەدەستدا.
هەروەها ئاماژە بەوە دەکات کە سێ لە یاریدەدەرەکانی ئەو فەرماندەیە بریندارن و دۆخی تەندروستییان ناجێگیرە.
