یه‌كه‌م حاڵه‌تى نه‌خۆشی كۆلێرا له گه‌رمیان دەستنیشانكرا كه ژنێكى ته‌مه‌ن 24 ساڵه.
به‌ڕێوبه‌رایه‌تیى گشتیى ته‌ندروستیى گه‌رمیان بڵاویکردەوە، “یه‌كه‌م حاڵه‌تى نه‌خۆشی كۆلێرا له گه‌رمیان دەستنیشانكرا كه ژنێكى ته‌مه‌ن 24 ساڵه، تیمه‌كانى به‌ڕێوبه‌رایه‌تىی خۆپاراستنى ته‌ندروستیى گه‌رمیان راسپێردراون بۆ به‌دواداچوونى ئه‌و كه‌یسه و لێكۆڵینه‌وه له سه‌رچاوه‌ى تووشبوونی”.
داوایشیکرد، هاوڵاتییانی سنوورەکە خۆپارێزیی بكه‌ن به‌مه‌به‌ستى دووربوون له مه‌ترسییه‌كانى حاڵه‌ته‌كانى سكچوون و كۆلێرا، ئه‌ویش به گرتنه‌به‌رى رێكارى پاكوخاوێنى و خۆپارێزی و دڵنیابوونه‌وه له پاكی سه‌رچاوه‌ى ئاوی خواردنه‌وه و به‌كارهێنانیان.
