کەشناسیی هەرێمی کوردستان کەشوهەوای ئەمڕۆ و سبەینێی ناوچەکانی بڵاوکردەوە، بەپێی پێشبینییەکان پڕوشە باران دەبارێت و پلەکانی گەرماش نزمدەبنەوە.
بەڕێوەبەرایەتیی کەشناسی و بومەلەرزەزانیی هەرێمی کوردستان رایگەیاند، ئەمڕۆ سێشەممە، ئاسمان پەڵەهەور دەبێت، ناوچە شاخاوییەکان نیمچەهەور دەبێت لەگەڵ کەمێک پڕوشکە باران لە ناوچە شاخاوییەکانى باکوورى رۆژ ئاوای هەرێم .
پلەکانی گەرماش 1 بۆ 3 پلە نزمدەبێتەوە.
هەروەها سبەینێ چوارشەممە ئاسمان پەڵەهەور بۆ نیمچەهەور دەبێت، ئەگەری نمەبارانێکی کەم هەیە لەناوچە شاخاوییە سنووریەکانی باکوورى رۆژهەڵات.
پلەکانی گەرما کەمێک نزم دەبێتەوە بەراوورد بە تۆمارکراوەکانى ئەمڕۆ.
