بەیانی ئەمڕۆ لە گەڕەکی تەیراوای شاری هەولێر لەکاتی کارکردن لە پرۆژەیەکدا سێ کرێکار کەوتنە ناو ئاوەڕۆیەکەوە و یەکێکیان گیانی لەدەستدا.
بەپێی زانیارییەکانی تۆڕی میدیایی ئێستا، “بەیانی ئەمڕۆ لە کاتی کارکردندا لە پرۆژەیەکدا زەوی ئاوەڕۆی پرۆژەکە داڕماوە و سێ کرێکار کەوتوونەتە ناوی”.
لە رووداوەکەدا توانراوە دوو کرێکار بە برینداری رزگاربکرێن و رەوانەی نەخۆشخانە بکرێن، دوای ماوەیەکیش کرێکاری سێیەم کە کەوتبووە بەشی ژێرەوە و بەهۆی زۆر مانەوە و کەوتنی خۆڵ و گڵێکی زۆر بەسەریدا گیانی لەدەستداوە.
لە ئێستادا تەرمی کرێکارەکە رەوانەی پزیشکی دادی هەولێر کراوە.
