بەڕێوەبەرایەتیی تەندروستیی سلێمانی هۆشداریدەدات لە زیادبوونی حاڵەتەكانی سكچوون و رشانەوە.
بەپێی راگەیەندراوێكی بەڕێوبەرایەتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، كە هاوڵاتییانی سنووری سلێمانی ئاگاداردەكاتەوە لەوەی حاڵەتەكانی سكچوون و رشانەوە بەشێوەیەكی بەرچاو زیادیانكردووە و گومانی بڵاوبوونەوەی كۆلێرای لێدەكرێت و سەرجەم تیمەكانی بەڕێوەبەرایەتیمان لە ئێستادا پشكنین و بەدواداچوون بۆ حاڵەتەكان دەكەن.
هەر لە راگەیەندراوەكەدا هاتووە، داوا لە هاوڵاتییان دەكەین لە ئێستادا خۆیان بە دوور بگرن لە بەكارهێنانی ئەو ئاوەی لە سەرچاوەكەی دڵنیانین و تەنها ئەو ئاوەی لەلایەن بەڕێوەبەرایەتیی ئاوی سلێمانی دابیندەكرێت و ئاوی بتڵكراوەكان كە لە ژێرچاودێریی تیمەكانی تەندروستیدا كاردەكەن بەكاربهێنن.
تەندروستی سلێمانی راشیگەیاندووە، كە بڕیاردرا بە قەدەغەكردنی هەموو جۆرە سەوزەیەک و ماستاو لە چێشتخانە و خواردنگەكان و شوێنەگشتیەكاندا و تەنها رێگە دەدرێت بە بەكارهێنانی ماستاوی لەقوتوونراو و وەكو تەندروستیی سلێمانیش هەموو ئامادەكارییەكی تەواوكراوە بۆ هەر ئەگەرێك لە زیادبوونی حاڵەتەكان.
