وەزارەتی بەرگریی تایوان رایگەیاند، لە ماوەی 24 کاتژمێری رابردوودا، 20 فڕۆکەی هێزی ئاسمانیی چینییان دەستنیشانکردووە کە چوونەتە ناوچەی بەرگریی ئاسمانی دوورگەکە، لەنێویاندا فڕۆکەیەکی بێفڕۆکەوانی شەڕکەر کە لە نزیک کەناراوەکانی رۆژهەڵاتی تایوان فڕیوە لەسەر زەریای هێمن.
تایوان کە ماوەی سێ ساڵە بە شێوەیەکی دیموکراسی بەڕێوەدەبرێت، گلەیی لە زیادبوونی فشارە سەربازییەکانی چین دەکات کە ئەو دوورگەیە بە بەشێک لە خاکەکەی دەزانێت.
رۆژی شەممە، چین مانۆڕێکی لە دەوروبەری تایوان ئەنجامدا، ئەمەش وەک وەڵامێک بەرامبەر بە وەستانی ویلیام لای جێگری سەرۆکی تایوان لە ئەمریکا.
وەزارەتی بەرگریی تایوان سەبارەت بە چالاکییەکانی چین رایگەیاند، ئەو فڕۆکانەی هاتوونەتە سنوورەکە بریتین لە فڕۆکە جەنگییەکانی جۆری سو-30 و جەی 10 و فڕۆکەی دژە ژێردەریایی.
بەپێی نەخشەیەکی وەزارەتی بەرگریی تایوان، هەندێک فڕۆکەی جەنگی و فڕۆکەی بێفڕۆکەوان هێڵی ناوەندی گەرووی تایوانیان بڕیوە، کە پێشتر بەربەستێکی نافەرمیی نێوان هەردوولا بووە.
