ئەردۆغان و ڕۆحانی جەختیان لەسەر هەماهەنگیی نێوانیان كردەوە

لە پەیوەندییەكی تەلەفۆنیدا سەرۆكی هەردوو وڵاتی ئێران و توركیا، باسیان لە هەماهەنگیی نێوانیان كرد، سزاكانی ئەمریكا لەسەر ئێران تاووتوێ كران.

ئاژانسەكانی هەواڵ ئاماژەیان بەوە كردووە، ئەمڕۆ یەكشەممە 21ی شوبات، ڕەجەب تەیب ئەردۆغان، سەرۆككۆماری توركیا پەیوەندییەكی لەگەڵ هاوتا ئێرانییەكەی ئەنجامداوە.

حەسەن ڕۆحانی، سەرۆككۆماری ئێران جەختی لە “هەماهەنگیی نێوان تاران و ئەنقەرە كردووەتەوە لە ڕوبەڕوبوونەوەی هەڕەشە هاوبەشەكانی سەریان، لەگەڵ چارەسەری كێشەكان”.

ڕۆحانی ئاماژەی بەوەشكردووە، “ڕوبەڕوبوونەوەی ڕێوشوێنە تاكلایەن و نایاساییەكانی ئەمریكا، بە هەماهەنگی ئەو وڵاتانە دەبێت كە پریشكی سزاكانیان پێگەیشتووە”.

سەرۆككۆماری ئێران ڕاشیگەیاندووە، “هەڵوەشاندنەوەی سزاكانی سەر ئەمریكا داواكارییەكی یاسایی و لۆژیكییە”.

سەبارەت بە دۆسییەی سوریا، ڕۆحانی وتویەتی، وڵاتەكەی پاڵپشتی لە گفتوگۆكان دەكات بۆ چارەسەری كێشەكان بەشێوەیەكی ئاشتییانە.

بابەتی پێشتر

(ڤیدیۆ) ئینتەرمیلان دێربی گەورەی لە میلان بردەوە و لە لوتکەدا جێگیربوو

بابەتی دواتر

هاوپەیمانان لەبارەی ئەرک و ژمارەی هێزەکانیانەوە لە ڕۆژئاوای کوردستان ڕونکردنەوە دەدەن

بابەتی پەیوەندیدار
Total
1
Share