بەڕێوەبەری بەرگریی شارستانیی دەربەندیخان رایدەگەیەنێت، منداڵێك لە نزیك كەپرە گەشتیارییەكانی ژاڵەناو خنكا.
كەیوان ئەحمەد بەڕێوەبەری بەرگریی شارستانیی دەربەندیخان لە لێدوانێكدا بە تۆڕی میدیایی ئێستای راگەیاند، منداڵەكە دوای ئەوەی كەوتووەتە ناو رووبارەكەوە، ئەوانەی كە لەو شوێنە بوون دەریانهێناوەتەوە، تا گەیاندوویانەتە نەخۆشخانەی گشتیی دەربەندیخان گیانیلەدەستداوە.
راشیگەیاند، تەرمەكەی لە نەخۆشخانەوە دەبرێتە پزیشكی دادی و دواتر رادەستی كەسوكارەكەی دەكرێتەوە.
